பை ஜுயி

புதிய கவிதைகள் எதையும்
அவனது தூரிகை தீட்டவில்லைதான்
அவனது புகழும்கூட மங்கிப்போனது
அவனது பழைய கவிதைகள்
பெட்டிகளில்
அலமாரிகளின் அடியில் தூசித்தும்புகளில் கிடக்கின்றன
ஒரு சமயம் எவனோ ஒருவன்
பாடிக் கொண்டிருந்தபொழுது
அவந்து அக்கவிதையைத் தற்செயலாகக் கேட்டேன்
ஒரு பெரும்வலி
எனது இதயத்தைத் துளைத்துச் சென்றது
முன்னமே அதனைக் கவனம்
செய்ய நேரமிருந்தும்
சும்மா இருந்ததால்

(கவிஞர் யுவான் ஷியன் எழுதிய பாடலை - ஷியன் இறந்து நெடுங்காலம் கழித்து - எவனோ ஒருவன் பாடக் கேட்டபொழுது பை ஜுயி எழுதியது. தமிழில் மொழிபெயர்த்தவர் பினாகினி)

நன்றி: புது எழுத்து - இதழ் 8