ஏக்கம்

இன்றைக்கு
எழுத முடியாமல் போனது
வருத்தமளிக்கவில்லை
நாளைக்கோ
நாளை மறுநாளோ
அதற்கடுத்த நாளோ
கொஞ்சம் கொஞ்சமாகவோ
மொத்தமாகவோ எழுதிக் கொள்ளலாம்
எழுதாவிட்டாலும்
மனதுக்குள் வாசித்துக் கொள்ளலாம்

நேற்றைக்கும்
அதற்கு முந்தைய நாள்களிலும்
இன்றைக்கும்
வாழ முடியாமல் போன
கணங்கள் பற்றி
வருந்தியபடி கழியப் போகிற
நாளைய பொழுதுகளையும்
பேனாவைப் போல
மூடிவைக்க முடிந்துவிட்டால்
நன்றாகத்தான் இருக்கும்