கவலை அறியாத கவலை

பலத்த மழை
போக்குவரத்து நெரிசல்
வாகன நெருக்கடி
வாகனங்களின் உள்ளிருந்து
கடுப்பான முகங்கள்
வானொலி கேட்கிற முகங்கள்
முன் கண்ணாடியின்மேல் தெறித்து விழுந்து
வைப்பரில் அடிபட்டு விலகுகிற
மழையைப் பிடிக்காமல் பார்க்கிற முகங்கள்
நின்று நின்று மெதுவாய் ஊர்கிற வேதனையை
செல்போன்களில் தொலைத்த முகங்கள்
உள்ளிருக்கும் முகங்கள்
எவற்றிலும் இல்லை
மழையில் நனையாமல் வேடிக்கை பார்க்கிற கவலை
பணியில் இருக்கும்போதும்
மழைப் பொழுதுகளை நனைந்தபடி
நின்று நின்று அனுபவிக்கிற
வாகனங்களுக்குமில்லை
தம் உரிமையாளர்கள் நனையவில்லையே என்ற கவலை